Արհեստական բանականության գործնական կիրառումը կրթական ոլորտում

Երկօրյա սեմինարը,որը վարում էր Հերմինե Անտոնյանը՝ նվիրված էր արհեստական բանականության (ԱԲ) գործնական կիրառմանը կրթության ոլորտում՝ մասնավորապես՝ ChatGPT հարթակի արդյունավետ օգտագործմանը որպես ուսուցման և նախագծային աշխատանքի օժանդակ գործիք։

 Սեմինարի նպատակները

• Ներկայացնել ԱԲ-ի հնարավորությունները և սահմանափակումները կրթական միջավայրում

• Ցուցադրել ChatGPT-ի տարբերակների տարբերությունները՝ անվճար և վճարովի

• Ուսուցանել, թե ինչպես ձևակերպել արդյունավետ և ճիշտ հարցադրումներ՝ առավելագույն արդյունք ստանալու համար

• Տալ գործնական օրինակներ ChatGPT-ի օգտագործման՝ ուսումնական նախագծերի, ստեղծագործական աշխատանքի, տեղեկատվական վերլուծության և մեդիաարտադրանքի շրջանակում

Բովանդակություն և ընթացք

Սեմինարը կառուցված էր ինտերակտիվ մոտեցմամբ։ Հերմինե Անտոնյանը ներկայացրեց հետևյալ առանցքային բաժինները․

1. Ի՞նչ է ԱԲ-ն կրթության մեջ
   Կարճ տեսություն ԱԲ-ի էության, հնարավորությունների և մարտահրավերների վերաբերյալ, շեշտադրմամբ այն փաստի վրա, որ ԱԲ-ն պետք է դիտարկել որպես գործընկեր, ոչ թե փոխարինող։

2. ChatGPT-ի հնարավորություններն ու տարբերակները

   • Անվճար տարբերակ (GPT-3.5) – Հիմնական լեզվաբանական աջակցություն, պարզ խոսակցական գործառույթներ

   • Վճարովի տարբերակ (GPT-4) – Խորքային վերլուծություն, տվյալների կառուցում, պատկերների ընթերցում, աղյուսակների կամ գրաֆիկների մեկնաբանում, սլայդների ստեղծում, ավելի ճշգրիտ պատասխաններ
     Հատուկ ուշադրություն դարձվեց ChatGPT-4-ի դասավանդման գործիքներին և դրա՝ որպես մեթոդական աջակցի գործառույթին։

3. Հարցադրումների ձևակերպման արվեստը
   Հերմինեն նշեց, որ ճիշտ և ճշգրիտ ձևակերպված հարցադրումը որոշում է ստացված արդյունքի որակը։
   Սովորողները և ուսուցիչները գործնական վարժությունների միջոցով փորձարկեցին՝

   • փակ և բաց հարցերի տարբերությունը,

   • ստանդարտ պահանջի փոխակերպումը ստեղծագործական հարցի,

   • ChatGPT-ի արձագանքման ոճի կառավարում։

4. Գործնական հատված
   Մասնակիցներս  կատարեցինք մի քանի առաջադրանք՝

   • Ստեղծեցին նախագծի գաղափար ChatGPT-ի օգնությամբ

   • Ներկայացրին արդյունքները և ստացան անհատական խորհրդատվություն

Սեմինարը նպաստեց կրթահամալիրի ուսուցիչների՝ ԱԲ գործիքների նկատմամբ վստահության ձևավորմանը։ Դասավանդողները ձեռք բերեցին նոր գործնական հմտություններ՝ որոնք կարող են անմիջապես կիրառել նախագծային ուսուցման, մեդիագրադարանի ստեղծման, մեթոդական նյութերի մշակման ընթացքում։