Ամառային առաջադրանքների փաթեթ

 

1․«Բնությունը լուսանկարներում»

Սովորողը ամռան ընթացքում լուսանկարում է 5-7 բնական երևույթ կամ կենդանի օրգանիզմ՝ բույս, միջատ, թռչուն, ծառ, ծաղիկ, սունկ, գետ, ամպ և այլն։

Յուրաքանչյուր նկարի տակ գրում է կարճ բացատրություն՝
ինչ է պատկերված,
որտեղ է նկարվել,
ինչ կենսաբանական նշանակություն ունի։

2․«Ամառը և մարդու առողջությունը»

Սովորողը ուսումնասիրում է, թե ինչպես պետք է պաշտպանել առողջությունը ամռանը։

Կարող է անդրադառնալ՝
արևահարությանը,
ջրազրկմանը,
առողջ սննդին,
միջատների խայթոցներից պաշտպանվելուն,
ջրի ճիշտ օգտագործմանը։

Վերջում կազմում է «Ամառային առողջության 10 կանոն»։

3․«Իմ ընտանիքի առողջ սովորությունները»

Սովորողը փոքրիկ հարցում է անցկացնում ընտանիքի անդամների շրջանում։

Հարցերը կարող են լինել՝
քանի ժամ եք քնում,
օրվա ընթացքում որքան ջուր եք խմում,
զբաղվո՞ւմ եք ֆիզիկական ակտիվությամբ,
որքան ժամանակ եք անցկացնում հեռախոսի կամ համակարգչի առաջ։

Վերջում սովորողը կազմում է եզրակացություն՝ ինչ առողջ սովորություններ կան ընտանիքում և ինչը կարելի է բարելավել։

4․«Առողջ ափսե» նախագիծ

Սովորողը մեկ շաբաթ հետևում է իր սննդակարգին և կազմում «առողջ ափսեի» օրինակ։

Պետք է նշի՝
ինչ սնունդ է օգտագործում հաճախ,
որ մթերքներն են օգտակար օրգանիզմի համար,
ինչը կարելի է նվազեցնել,
ինչպես կարելի է սնվել ավելի հավասարակշռված։

Կարող է պատրաստել պաստառ կամ սահիկաշար՝ «Իմ առողջ ամառային ճաշացանկը» թեմայով։