Մեթոդաբանություն, փորձի ներկայացում և գործնական կիրառում
Ժամկետներ՝ մայիսի 15
Վայրը՝ Մայր դպրոց, Ուսումնական սարքաշինության լաբորատորիա
Մասնակիցներ՝ Կրթահամալիրի 9, 10, 11-րդ դասարանների սովորողներ, գործընկեր դպրոցներ , այլ ցանկացողներ
Նպատակը
Մասնակիցներին ծանոթացնել վարժարանում հետազոտական աշխատանքների կազմակերպման և իրականացման մեթոդաբանությանը՝ տեսական ներկայացումն ուղեկցելով գործնական կիրառությամբ, փորձի փոխանակմամբ և ոլորտային աշխատարաններում անմիջական աշխատանքի հնարավորությամբ։
Կենսաբանության աշխատարանի գործնական բաղադրիչը նախատեսում է մասնակիցների անմիջական ներգրավում փորձարարական և հետազոտական աշխատանքներում։ Մասնակիցները կաշխատեն փոքր խմբերով։
Գործնական բաղադրիչ
Կենսաբանության աշխատարանի գործնական հատվածում երկու սովորողներ կներկայացնեն իրենց հետազոտական աշխատանքների իրականացման փորձը՝ անդրադառնալով թեմայի ընտրության գործընթացին, հետազոտության կառուցվածքին, կիրառված մեթոդներին, տեղեկատվական և գիտական աղբյուրների օգտագործմանը, ինչպես նաև աշխատանքի ներկայացման և պաշտպանության ընթացքին։
Մասնակիցները հնարավորություն կունենան ծանոթանալու հետազոտական աշխատանքի կազմակերպման փուլերին, քննարկելու առաջացած դժվարությունները, կիրառված լուծումները և ստացած արդյունքները։ Ներկայացումներին կհաջորդի հարցուպատասխան և փորձի փոխանակում, ինչը կնպաստի հետազոտական մտածողության և նախագծային աշխատանքի հմտությունների զարգացմանը։
Գործնական հատվածի ընթացքում կներկայացվի մեր սարքաշինության լաբորատորիայում պատրաստած արյան շրջանառության մոդելը, այնուհետև հյուրերը իրենք կպատրաստեն մոդելը,որի ընթացքում ձեռք կբերեն համապատասխան հմտություններ և գիտելիքներ։
Արդյունքում սովորողները՝
- կպատրաստեն մարդու արյան շրջանառության մոդել
- կհամեմատեն ստացված արդյունքները և կքննարկեն հնարավոր շեղումների պատճառները,
- կզարգացնեն վերլուծելու, եզրակացություններ անելու և հետազոտական աշխատանք ներկայացնելու կարողությունները։
Աշխատարանում կրթահամալիրի սվորող ՝ Մանե Բարսեղյանը (12-րդ դասարան ) կներկայացնի իր փորձը։Նա ամեն տարի իրականացրել է հետազոտական աշխատանքներ՝ տարբեր թեմաներով։
No comments:
Post a Comment